هنتكلم الاول عن التأقلم والمعنويات ، والاتنين تقدر تشوف مستواهم الحالي من صفحة الاعب بتاعك جنب مستوي اللياقة وده طبعا بيديك فكره عن اهميتهم ودورهم الكبير في انك تلعب بمهاراتك الفعليه!
المعنويات
المعنويات بتتأثر بادائك في الماتشات الرسمية (اذا اشتركت فيها) ، وبمستوي صداقتك مع الاخريين فاذا كانت صداقاتك قليله في البداية من المحتمل جدا ان معنوياتك تتأثر بالسلب وتقل ولكن المشكله دي هتروح تدريجيا كل ما يطول فترة بقائك مع فريقك وكل ما تتواصل معاهم بدرجة اكبر.
أسلوب اخر لرفع المعنويات (وان كان الاسراف فيه حاجه سلبيه) هو انك تتمرن تمرين استمتع بالوقت او هافنج فن ودي هنتكلم عنها لاحقا.
التأقلم
معناه ببساطه هو مدي تعودك علي الحياة في بلد معينه ، ومن البديهي انك بتكون متأقلم 100% علي الحياة في بلدك الام (مصر) وكل ما تنتقل لفريق في دوله تانيه هتحتاج لرفع نستوي تأقلمك، رغم ان بصورة اوتوماتيكيه التأقلم بيزيد 1% عن كل يوم بتقضيه في الدوله الاجنبية اللي منها فريقك (في حالة انك محترف خارجي)، الطريقة التانيه لرفع تأقلمك بسرعه هي عبر التواصل مع زملائك ، وتحديدا زملائك اللي عندهم درجة تأقلم عاليه للبلد دي سواء كانو من ابناءها او عندهم تاقلم عالي فيها نتيجة طول المدة اللي قضوها فيها (المساعدة الخارجيه دي اقصي حد ليها هيه انها تساعدك علي الوصول ل 65% تأقلم بعد كده هتعتمد علي الزيداة التلقائية نتيجة وجودك في البلد) ،مع وسيله تالته لزيادة التأقلم هيه انك تتمرن تمرين استمتع بالوقت.
وبعد وصولك لمستوي تأقلم معين(75 – 80%) هتكون انتا كمان قادر علي انك تساعد بقية زملائك الجدد علي رفع مستوي التأقلم عندهم بانك تتواصل معاهم وتخبرهم عن اسلوب الحياة والمعيشة في الدولة اللي انتا محترف فيها.
واخيرا حابب اقولك انك لو بتلعب في فريق بينافس في دوري قوي ، فغالبا مش هتلعب ابدا في الدوري الا لما تأقلمك يعدي 50% علي الاقل وده يديك فكرة عن اهميته بالنسبة لمستواك داخل الملعب.
تمرين استمتع بالوقت
في صفحة التمرين هتلاقي عندك خيار اسمه استمتع بالوقت ، وفي قائمة تختار منها النوع اللي تحبه من الانواع المختلفه لتمرين استمتع بالوقت (استرح بالمنزل) ، (اخرج مع زملائك) ، (اخرج لملاقاة فتيات) و اختيارات اخري في حاله اذا ما كان لديك صديقة ، زوجة أو .عائلة
معظمنا احنا الاعيبه الكبار تقريبا متمرناش تمرين استمتع بالوقت سوي نادرا جدا جدا لانه تقريبا غير مفيد او فائدته قليله خصوصا اذا كنت لسه صغير، هوه اكيد بيساعدك في زيادة مستوي معنوياتك ودرجة تأقلمك علي الحياة في البلد وكمان بيرفع مستوي لياقتك بدرجة قليله ، بس الافضل انك تعتمد علي اساليب اخري لزيادة العوامل دي وهتحتاج يكون عندك شوية صبر وان كان ده شئ يرجعلك الحقيقة بس كقاعدة عامه كل تمرينة بتضيع منك وانت تحت سن 20 سنه هيكون ليها تأثير سلبي عليك في المستقبل.
ــــــــــــــــــــــــــــــــــــــــــــــــــــــــــــــــــــــــــــــــــ
ثم اضاف الكابتن صقر
السلام عليكم ورحمة الله وبركاته
في الدرس ده هنتكلم عن المعنويات وتأثيرها على اللاعب
وهنتكلم في كيفية زيادتها برضو والشرح هيبقا بالصور
( اولا ماهي المعنويات )
لعبة فوت ستار لعبة محاكية للواقع فاللاعب في الحقيقة ببيكون عنده معنويات
وهي تختلف تماما عن الثقة
فبعض الاحيان في الحقيقة تكون معنوياتك مرتفعة لسبب ما مثلا نجحت بمجموع في الثانوية ( يارب )
وبعض الاحيان بتبقا معنوياتك منخفضة ولسبب معين برضو ( بعد الشر )
فاللعبة عملت حكاية المعنويات دي علشان تحاكي الواقع
( ثانيا تأثير المعنويات )
المعنويات بتأثر على مستواك في المطش
فاللاعب الي معنوياته 100 هيلعب احسن من اللاعب الي معنوياته اقل من 100
( في حالة تساوي مهارات اللاعبين الاثنين )
( ثالثا ليه المعنويات بتقل ؟ )
المعنويات مرتبطة بعلاقاتك مع لعيبة ناديك وعلاقتك مع اسرتك وبتتعلق برضو بفوزك او خسارتك للمطش الي هتشارك فيه مع النادي في المطشات الرسمية (دوري-كأس)
فلو لعبت مع ناديك ولعبت حلو بس فريقك خسر هتتأثر معنوياتك بسبب الخسارة بينما هتزيد ثقتك وموضوع الثقة ده هبقا اتكلم فيه في درس لوحده
وده بس في مطشات الدوري والكأس او اي مطش رسمي اما المطشيات الودية مش بتأثر على معنوياتك
وبرضو لا تهمل علاقتك مع لاعيبة ناديك وخاصتا المدرب بتاع النادي بحيث انك تبعتله صداقة وتحطله في صفحة العلاقات من تبويب اللاعب فوق
2% ويفضل تحط 2% لكل اللعيبة الي عندك من النادي مش المدرب بس
وتحط برضو 2% لعلاقتك بأسرتك
(( ملحوظة ))
هتلاحظ لعيبة بتنقص جامد في المعنويات ولعيبة مش بتتأثر معنوياتها حتى لو خسرت
والسبب في كده هوة التواصل مع اللاعبين والصداقات معهم
فلو عندك صداقات كتيرة مع لعيبة ناديك وبتتواصل معاهم باستمرار معنوياتك مش هتنزل عن 100 حتى لو خسرت
( رابعا شرح زيادة المعنويات بالصور )
الشرح ده لو معنوياتك قليلة وعايز تزودها او معنوياتك عالية وعايز تحافظ عليها
ليست هناك تعليقات:
إرسال تعليق